Continuano ad arrivare in redazione poesie e racconti dei nostri lettori per la rubrica “Il verso giusto”, questa volta abbiamo scelto una poesia in lingua siciliana, scritta da Sandro Messina.
A sarduzza
Mi susu ogni matina e vaiu a piscari
pi dari a li me figgi di manciari.
C’e’ mari grossu e ventu a mai finiri
ma n’capu a me varcuzza vaiu a rimari.
Iuntu n’ta’ puntu ca mi pari bonu
pigghiu ra bursa la me lenza in manu,
lu vermi gia’ tinia na’ l’autra manu.
Iddu ca mi talia cu l’occhiu stranu,
pensa ca oggi tu non mori invanu
po’ essiri a sarvizza di chi st’omu
picchi’ sta funcia, a essiri cuntentu
ca cu la morti tua io trovu giuvamentu.
Calu la lenza e aspettu chianu chianu
ca lu me pisci stanca e abbucca all’amu,
aspettu aspettu, ma pisci mancu l’ummra,
lassu la lenza a moddu e mettu a laminari.
Forsi era megghiu irisi a curari
ca stari na’ sta varca n’menzu u mari
stu ventu e stu marusu m’arrimina
la testa mi furria di stamattina.
Lu ventu avia finuti di susciari
e u mari accuminciatusi a carmari
quannu mi stavu cummincennu a ghiri
sentu na vuci di lamentu n’mari.
Mi giru e mi furriu pì tutta a varca
e puru n’celu l’occhiu miu talia,
a cercu e cercu n’tunnu a la curria
ma un pozzu mai capiri a litania.
Passa lu tempu e stancu di circari
m’assettu n’tà la varca a ripusari
quannu pinsavu d’un truvalla chiù
taliannu grittu n’ta’ la puppa in mari
dui ucchizzi di na sarda mi talianu.
E’ to’ sta lenza ca pinni di la varca?
picchì c’aiu l’amu mucca ca mi doli.
E’ mia sta lenza e servi pì piscari
a la famigghia a dari di manciari.
Tutta la genti umana com’attia
veni a piscari pì necessità,
puru iu cà sutta stentu pì manciari
ca vitti stu vermuzzu n’menzu u mari
veru un mi parsi e ci vosi spiari.
Ristai futtuta comu un baccalà!
Chi differenza c’è tra mari e terra
la fami è fami e peggio di la guerra.
Ora però ca la me vita è appisa a un filu
mi pentu amaramente pì stu gestu
e riflettennu su stu fattu cà
ci pensu se è chiù gistu e disgnitusu
muriri appisu all’amu o pi la fami?
Sandro Messina
Cliccate qui per accedere agli altri contributi della rubrica
